ASL se 15de verjaardag-personeelfunksie

ASL het op 1 Augustus sy 15de bestaansjaar gevier en ons personeel het op 2 Augustus hierdie geleentheid volgens tipiese ASL-tradisie gevier: gesellig, hartlik en ontspanne.

ASL 01

Vroeg die oggend het al die personeel mekaar ontmoet by by die House of JC le Roux buite Stellenbosch. Na ons aankoms en die gepaardgaande verwelkomingsdrankie is ons na die lesinglokaal waar Mnr. Jannie Mouton van PSG ons met ‘n kort toespraak verras het. Hy het ons ‘n terugblik gegee op sy lewensreis en was ook nie suinig met die uitdeel van lewensfilosofiëe en beleggingsadvies nie. En wie gaan nie luister as die legendariese Jannie Mouton raad uitdeel nie? Vir ons was daar baie te leer en nadat ons almal na hom geluister het, het ons besef dit is nie verkeerd om groot te droom nie. Na die toespraak het ons beweeg na ‘n vonkelwyn- en nougatproe. Dis alombekend dat ‘n JC le Roux-vonkelwyn altyd heerlik is maar in kombinasie met die onweerstaanbare nougat en turkish delight wat saam met dit bedien is, was dit voortreflik.

Daarna is ons na Middelvlei vir ‘n boere-middagete, spesiaal op kole en met ‘n rooster voorberei. Vir ‘n ekstra bederf het die weer perfek saamgespeel en kon ons buite in die heerlike wintersonnetjie sit en die landelike omgewing met sy groen grasvelde en koeie wat wei, geniet. Hier is die lekker kuier en gesels wat al vroeër die oggend by die House of JC le Roux begin het, voortgesit. Wie ook al van mening is dat ‘n ouditeur soms maar vervelig en oninteressant is, het beslis nog nie ‘n ASL-partytjie bygewoon nie! Belastingsperdatums en finansiële jaareindes is vir hierdie dag met groot sukses uit die gedagtegang en woordeskat verban. Die saamkuier is uitgerek tot lank na middagete, almal traag om die lekker dag tot ‘n einde te bring.

ASL se eerste 15 jaar is afgesluit met ‘n dag van gesels, saamkuier en sonskyn. Ons glo die volgende 15 gaan met net soveel “sonskyn” en seëninge gevul wees as die afgelope 15 jaar!

ASL_Nuusbrief

IMG_2842

ASL 04

ASL 08

ASL 09

ASL 23

ASL 41

ASL 18

ASL 16

ASL 14

ASL 15


Follow ASL on Twitter

Enter your email address to follow this blog and receive notifications of new posts by email.

Join 9 other followers


%d bloggers like this: